A CASA DA TORRE E OUTROS RELATOS INVEROSÍMILES

Hai case un ano que non engadía novos textos ao blog, motivado porque outros quefaceres persoais e escribidores me impedían tratar coa debida atención os temas ao redor do noso idioma que ían xurdindo das miñas frecuentes leituras, mais que ía deixando anotados pra comentar en mellor época. Ben, a mellor época chegou tras rematar unha longa e importante tradución dun clásico da literatura universal que espero que vexa a luz este ano pra gozo dos leitores galegos. Porque amáis destes breves comentarios sobor diversos aspectos da nosa lingua, tamén adico o meu lecer á literatura e maila tradución. Da primeira preséntovos a miña recente publicación nesta mesma páxina, e da segunda convócovos a visitar a excelente biblioteca virtual galega BIVIR, onde aparecen varios textos traducidos por min.

A seguir un breve fragmento do inicio d'A doncela e a morte:

"Tarde nos decatamos de como o fado pode estar nas mans do azar. Unha torpe decisión, case irrelevante, pode determinar definitivamente o noso destino. Por iso, recoméndolle querido lector, que decontado lea este relato e obre logo en consecuencia nas moitas decisións que deberá tomar durante o resto da súa vida, pois é de sabios aprender cos erros alleos sen agardar polos propios." 

 

Escoitar a crítica de Armando Requeixo prá radiogalegapodcast aquí

"É unha narrativa que avanza directa ao corazón da intriga, da trama..."

"Domina moi ben ese debuxo que crea as atmoferas onde acontecen os relatos"

"Hai un vitral, un mostrario moi amplo de relatos"

Se alguén desexa adquirir o libro, amais de procuralo nas librarías especializadas, pode pedirmo ao seguinte enderezo electrónico: ldelacallecarballal@gmail.com, ao prezo de 12 € incluído o custo de envío por correo en España.